Мамлекеттик салык кызматы ЕАЭБ өлкөлөрүнөн импорттолуучу товарларга КНСти башкарууда колдонулуучу тобокелдик белгилери бар товарлардын тизмесин жаңылады. Документ жаңы редакцияда бекитилип, 918 товардык позицияны камтыйт.

Тизмеге тирүү жаныбарлар, эт жана балык продукциялары, сүт азыктары, жашылча-жемиштер, ошондой эле алкоголдук ичимдиктер жана кондитердик азыктар киргизилген.

Тизменин мазмуну жана КНС базасы

Тизмеде ар бир товардык позиция үчүн ЕАЭБдин тышкы экономикалык ишмердүүлүгүнүн товардык номенклатурасынын коду, өлчөө бирдиги жана КНС салык базасынын өлчөмү көрсөтүлгөн. Мисалы, авокадо, какао, жүзүм, спаржа, жумуртка жана башка продукцияларды алып кирүүдө КНС салык базасын так аныктоого мүмкүнчүлүк берет.

Документтен

Кыргыз Республикасында кошумча наркка салыктын (КНС) салык базасы: товарларды, жумуштарды жана кызмат көрсөтүүлөрдү жеткирүүнүн салык салынуучу наркы (КР Салык кодексинин 265-беренесине ылайык); импорттолуучу товарлардын салык салынуучу наркы (КР Салык кодексинин 267-беренесине ылайык), анын ичинде ЕАЭБ мүчө мамлекеттеринен алынып кирилүүчү товарлар.
Мамлекеттик салык кызматынын маалыматы боюнча

Тизменин жаңыланышы импорттук операциялардын ачыктыгын жогорулатууга жана ЕАЭБ алкагында КНСти башкаруунун натыйжалуулугун арттырууга багытталган.