Улуттук банктын каржылык сабаттуулук боюнча жетекчиси Кубаныч Мусуралиев каржылык коопсуздук, көзкарандысыздык жана эркиндик төшөкчөлөрүн биринен-бири айырмалоо керектигин түшүндүрдү.
Ал каржылык коопсуздук адамдын кирешеси күнүмдүк керектөөлөрүн жабууга жетиштүү болгондо пайда болорун айтты. Базалык муктаждыктарга тамак-аш, турак жай жана кийим кирет.
"Адам өзүнүн негизги керектөөлөрүн өз алдынча камсыз кылса, анда каражат жагынан коопсуз экенин моюнга алуу керек", — деп түшүндүрдү Мусуралиев.
Андан ары каржылык көзкарандысыздык – бул негизги эмгек акыдан тышкары пассивдүү киреше алганда жетишилчү деңгээли экенин белгиледи. Буга депозиттерден, ишкердиктен же башка инвестициялардан түшкөн киреше кирет.
"Негизги жумушун жоготсо дагы, бул пассивдүү киреше учурдагы чыгымдарды жабууга жол берет", — деди ал.
Эксперт каржылык эркиндикти кирешелер чыгашалардан бир топ ашып, акча адамды чектебей турган учур катары атап, бул учурда байлык топтолуп, көбөйүп турат деп түшүндүрдү.
Каржылык сабаттуулук аркылуу адамдар коопсуздук баскычынан жогорку деңгээлдерге кадам таштай алат.
