Жогорку Кенештин отурумунда депутат Камила Талиева жалпы республикалык тестирлөө TPS (ОРТ) уюштуруу жана өткөрүү процессин мамлекеттик көзөмөлгө алуу зарыл экенин билдирди. Ал тестирлөөдөгү каталар жана жоопкерчиликтин жоктугу боюнча маселелерди көтөрдү.
Депутаттын айтымында, акыркы 20 жыл бою тестирлөөнү мамлекеттик эмес уюм болгон Билим берүүдөгү ыкмаларды баалоо борбору (ЦООМО) жүргүзүп келет. Бул уюм Кыргызстанда монополистке айлангандыгына басым жасаган.
Каталар жана жоопкерчиликтин жоктугу
Талиева ушул жылкы тестирлөө учурунда сертификаттарда жана тесттик тапшырмаларда каталар кеткенин белгиледи. Анын айтымында, абитуриенттерге жана ата-энелерге маалымат берүү жетишсиз болгон.
Сертификаттарда туура эмес жыл көрсөтүлүп, абитуриенттерге таратылыптыр, бул студенттерди кабыл алуу башталганда гана белгилүү болгон, бирок эч ким жоопкерчилик тарткан жок.
Ошондой эле, тестирлөө учурунда кечигүүлөр болуп, окуучулар күн астында суусуз күтүп калышы сыяктуу маселелер да көтөрүлдү. Депутат тесттин мазмуну мектеп программасына шайкеш келиши керек экенин жана тесттик материалдарды даярдоого көзөмөлдү күчөтүү зарылдыгын белгиледи.
Мыйзамга өзгөртүү киргизүү сунушу
ОРТ системасын өркүндөтүү максатында, депутат «Билим берүү жөнүндө» Мыйзамга тиешелтүү өзгөртүүлөрдү киргизүүнү сунуштады. Ал мамлекеттик органдардын ЦООМОнун ишмердүүлүгүн көзөмөлдөөсү жана тестирлөө үчүн түшкөн каражаттардын туура колдонулушунун ачык-айкындуулугу маанилүү экенин айтты.
