Ереван шаарында аяктаган 17-Конференцияда (КС-17) өлкөлөр «Ереван жолу» аталышындагы келишимдер пакетин бекитишти. Бул тууралуу 24.kg маалымат агенттиги кабарлады. Документ жаратылышты коргоо боюнча чараларды тездетүүгө багытталган.
Жол картасында 2030-жылга чейинки биологиялык ар түрдүүлүк боюнча Куньмин-Монреаль глобалдык алкагынын 23 максатына жетүү үчүн артыкчылыктуу багыттар белгиленген.
Документтен
Документте жаратылышка зыян келтирүүчү иш-аракеттерди субсидиялоодон баш тартуу жана өнүгүп келе жаткан өлкөлөргө каржылык, илимий жана техникалык колдоону күчөтүү зарылдыгы айтылат.
Ошондой эле документте улуттук бюджеттерди жана экономикалык чечимдерди алкактык программанын милдеттерине шайкеш келтирүү чакырыгы камтылган.
Конференциянын жүрүшүндө тараптар корголуучу аймактар, токойлор, жапайы жаратылышты башкаруу, инвазиялык бөтөн түрлөр, деңиз жана жээк биологиялык ар түрдүүлүгү, синтетикалык биология сыяктуу тармактарда 50гө жакын чечим кабыл алышты.
Оор сүйлөшүүлөрдөн кийин өлкөлөр «Севан жетекчилик принциптерин» да макулдашышты. Бул принциптер биологиялык ар түрдүүлүк боюнча глобалдык саясатты калыптандырууда жергиликтүү жамааттардын жана түпкү элдердин ролун күчөтүүчү жаңы туруктуу органдын иштөө эрежелерин белгилейт.
Конференцияда биологиялык ар түрдүүлүк боюнча жаңы долбоорлорго дээрлик 2 миллиард доллар бөлүү жарыяланды. Анын ичинде Глобалдык экологиялык фондду толуктоо үчүн 560 миллион доллар жана Түрлөрдү калыбына келтирүү альянсы аркылуу 500 миллион доллар каралган.
Каржылык милдеттенмелер
