12-августта Бишкек шаарында бир жаран Чүй проспектинин №226 үйүнүн жанына жакын жерде канализация кудугуна кулап кеткен.
Окуя болгон жерге беш МЧС куткаруучусу жетип барды. Алар өздөрүнүн атайын альпинисттик жабдууларын колдонуп, кудукта калган кишини коопсуз түрдө сыртка чыгарышты.
Куткарылган адам ошол жерден милиция кызматкерлерине өткөрүлүп берилди. Ал эми анын абалы канааттандырарлык деп бааланып, медициналык жардам талап кылынган жок.
