Жогорку Кеңештин өнөр жай саясаты, транспорт, отун-энергетикалык комплекси, архитектура жана курулуш боюнча комитетинин жыйынында Бишкек шаарынын вице-мэри Атай Муратбек уулунун баяндамасы талкууланды. Бул жыйын Бишкектеги башаламан курулуштарды изилдөө жана шаар курулуш мыйзамдарын көзөмөлдөө боюнча убактылуу депутаттык комиссиянын ишинин жыйынтыгын талкуулоо максатында өткөрүлдү.

СторисБишкек мэриясынын баяндамасы депутаттар тарабынан сынга алындыСлайддар: 6
  1. Бишкек мэриясынын баяндамасы депутаттар тарабынан сынга алынды
  2. Негизги сын. Депутаттар вице-мэрдин баяндамасынын даярдыгына жана шаардын генпланына элге жарыялабай киргизилген өзгөртүүлөргө нааразычылык билдиришти.
  3. «Сиз вице-мэрсиз, бардык суроолорго жооп берүүгө даяр болушуңуз керек, ал эми сиз өз баяндамаңызды атүгүл жакшы окуй албай жатасыз.» — Бактыяр Калпаев
  4. 80 % — парламент сунуштаган чаралардын аткарылбаган бөлүгү
  5. Генпландагы өзгөртүү: Өзгөртүүлөр социалдык объекттерге гана тиешелүү деп айтылды; Оскон-Ордо конушунда дары-дармек сактай турган склад курулат
  6. Күтүлүүчү натыйжа. Депутаттар шаардын генералдык планы купуя маалымат катары колдонулушуна жана элдин пикири эсепке алынбагандыгына каршы чыгышты.

Депутат Бактыяр Калпаев вице-мэрдин өзүнүн баяндамасын атүгүл так окуй албагандыгын белгилеп, анын даярдыгына нааразычылык билдирди.

Сиз жок дегенде даярданып, баяндаманы кылдат окушуңуз керек эле. Сиз кыйналып окудуңуз. Өзүңүз эмне жөнүндө айтып жатканыңызды түшүнүп жатасызбы? Сиз вице-мэрсиз, бардык суроолорго жооп берүүгө даяр болушуңуз керек, ал эми сиз өз баяндамаңызды атүгүл жакшы окуй албай жатасыз.
Бактыяр Калпаев

Ошондой эле шаардагы тыгындарды чечүү үчүн жаңы көп деңгээлдүү унаа токтотуучу жайлар качан куруларын сураган депутат Максат Алымбековго вице-мэр конкреттүү жерлерди атап бере алган жок. Ал генплан боюнча мындай жайлар куруларын гана айтты.

Депутат Дастан Бекешев Бишкектеги башаламан курулуштарды токтотуу боюнча парламент сунуштаган чаралардын көбү ишке ашпай жатканын айтты.

Негизги көрсөткүчтөр

80%сунуштардын аткарылбаган бөлүгү
2гектар жер (склад үчүн)

Дастан Бекешев шаардын генералдык планына элге кабарлабай өзгөртүүлөрдү киргизгендиге каршы чыгып, бул документти купуя маалымат катары колдонбоо керектигин баса белгиледи. Анын айтымында, эл менен коомдук талкуу жүргүзүлгөн документке тыкырдан өзгөртүү киргизүү — элдин пикирин эсепке албоо дегенди билдирет.

Атай Муратбек уулу бул өзгөртүүлөр социалдык объекттерге гана тиешелүү экенин, мисалы, "Оскон-Ордо" конушунда "Кыргызфармация" мамлекеттик ишканасы үчүн склад куруу үчүн чечим кабыл алынганын айтты. Курулуш, архитектура жана турак жай-коммуналдык чарба министрлигинин орун басары Бакай Турдугулов болсо, бул жерде коммерциялык эмес, дары-дармек сактай турган склад куруларын кошумчалады.

Документтен

Бирок сунуштардын 80 пайызы токтомдо аткарылган эмес. Укуктуу органдар тиешелүү иштерди жүргүзбөгөн.
Дастан Бекешев