БУУнун Баңгизат жана кылмыштуулук боюнча башкармалыгынын маалыматы боюнча, апийим айдаган мак аянты 330 пайызга көбөйүп, 2025-жылдагы болжол менен 10 миң гектардан 43 миң гектардан ашты. Өндүрүү көлөмү дагы 400 пайызга өсүп, 300 тоннадан дээрлик 1,5 миң тоннага жетти.
Негизги көрсөткүчтөр
Бирок азыркы көрсөткүчтөр тыюу салынганга чейинки деңгээлден дагы деле бир топ төмөн. Ал кезде мак менен 232 миң гектарга жакын жер айдалчу. Афганистан ондогон жылдар бою дүйнөдөгү мыйзамсыз апийимдин эң ири булагы болуп келген: тыюуга чейин дүйнөлүк сунуштун 80 пайызга жакыны ушул өлкөгө туура келчү.
Талибдер бийликке 2021-жылдын августунда келишкен. 2022-жылдын апрелинде алар мак өстүрүүгө жана бардык баңгизатка тыюу салышкан.
Бирок БУУ БКБнын маалыматы боюнча, көптөгөн дыйкандар тыюуну айланып өтүүнү үйрөнүшкөн. Айрымдары эгин талааларынын арасына же дубал менен курчалган короолорго чакан участокторду жашырышат. Башкалары себүү жана түшүм жыйноо мөөнөттөрүн ар кандай убакытка жылдырып, аларды табууну кыйындатышат.
Мак азыр Афганистандын 34 облусунун 16сында өстүрүлүүдө — бул былтыркыдан беш облуска көп. Аянттын төрттөн үч бөлүгү өлкөнүн түндүк-чыгышына туура келет, ал аймак акыры мак өстүрүүнүн негизги районуна айланды. Тыюуга чейин эгиндин көпчүлүгү мамлекеттин түштүк-батышында жайгашкан.
Аянттын төрт эсе көбөйүшү талибдердин тыюусуна карабастан, апийим рыногунун туруктуулугун көрсөтүп турат
Афганистан бийлигинин билдирүүсүнө караганда, быйыл 22 миң гектарга жакын мак эгини жок кылынган. Ошентсе да, БУУ БКБнын баамында, чектөөлөргө карабастан, өсүмдүк өстүрүлө берет.
