Кыргыз Республикасынын премьер-министри Адылбек Касымалиев менен Орусиянын өкмөт башчысы Михаил Мишустин «Иннопром» эл аралык өнөр жай көргөзмөсүндө эки тараптуу кездесүү өткөрдү.
Маек учурунда эки өлкөнүн жогорку жана жогорку деңгээлдеги саясий диалогунун жанданып жатканын, соода-экономикалык жана аймактар аралык кызматташтык туруктуу өнүгүп жатканын жана биргелешкен ири долбоорлордун ишке ашырылып жатканын Адылбек Касымалиев белгиледи.
Өкмөт башчы Михаил Мишустинди Кыргызстанга август айында Чолпон-Ата шаарында өтүүчү Евразиялык өкмөт аралык кеңештин кезектеги жыйынына жана анын алкагында уюштурула турган Кыргыз-Орус экономикалык форуму менен Кыргыз-Орус аймактар аралык конференциясына катышууга чакырды.
