ВОЗ Борбордук Азияда кээ бир райондордо температура 40 градустан ашып кеткенин маалымдады. Уюмдун айтымында, мындай экстремалдуу ысык аба калктын ден соолугуна олуттуу коркунуч келтирет, ал эми эң коркунучтуу жай күндөрү дагы алдыда.
ВОЗтун Европа жана Борбордук Азия боюнча регионалдык директору Ханс Клюге ысык абаны жөн эле метеорологиялык кубулуш эмес, коомдук ден соолук жана коопсуздукка коркунуч катары караш керектигин баса белгиледи.
ВОЗдун Европалык регионуна 53 өлкө кирет, алардын жарымынан азы гана экстремалдуу ысык абага каршы улуттук реакция планын иштеп чыккан. Уюмдун маалыматына ылайык, алдын ала сактануу чаралары медициналык жана социалдык кызматтарды тез арада уюштурууга, калкты кабардар кылууга жана эң коркунучтуу катмардагы адамдарды коргоого шарт түзөт.
- Ысымга дуушар болгон жактарга кары-картаңдар, жалгыз жашагандар, үй-жайсыздар, социалдык мекемелердин тургундары жана созулма оорулар менен жабыркагандар кирет.
- Негизги көйгөйлөргө муздаткыч жайлардын жетишсиздиги, медициналык мекемелердин ысыктын кесепетине даярсыздыгы жана калктын тобокелдиктер жөнүндө аз маалымдуулугу кирет.
ВОЗ ысыкка каршы чараларды ишке ашырган өлкөлөрдүн тажрыйбасын чогултуп, аймактагы бардык мамлекеттерге сунуштарды жолдойт. Ушул эле учурда улуттук план түзүп жаткан өлкөлөргө техникалык колдоо көрсөтүлөт.
