Президент Садыр Жапаров Super.kg берген маегинде экс-премьер-министр Омурбек Бабанов менен болгон сүйлөшүүсүн эске салды. Сүйлөшүү болжол менен беш жыл мурун болгон.
Жапаровдун айтымында, Бабанов Сооронбай Жээнбековдун тушунда өлкөгө кайта албай кыйналганын айткан.
Мамлекет башчысы бул сөздөрдү жакшы түшүнөөрүн, анткени өзү төрт жыл эмиграцияда жүргөнүн кошумчалады. Анын айтымында, мекендин баасы эң жогору жана аны эч кандай байлык алмаштыра албайт.
