Жалал-Абад облусундагы президенттин ыйгарым өкүлү Тилек Текебаев активге жаңы биринчи орун басар Шабдан Абдырайым уулуну тааныштырды. Ага чейин бул кызматты жүргүзгөн Уларбек Исмаилов Манас шаарынын мэри болуп дайындалган. Шабдан Абдырайым уулунун билим алуу жана эмгек жолу тууралуу маалыматтар берилди.
2014-жылдан тартып ал “Аян” телерадиокомпаниясында аткаруучу директор болуп эмгек жолун баштаган. Андан соң Прага шаарында Азиатско-Чехия соода палатасында директор болуп иштеген.
2019-2020-жылдары Жогорку Кеңештеги өкмөттүн ыйгарым өкүлүнүн катчылыгында жана өкмөт аппаратынын жетекчисинин жардамчысы кызматтарын аркалаган.
2020-2022-жылдары Кыргызстандын транспорт жана коммуникациялар министринин коомдук кеңешчиси болуп эмгектенгенин белгилөөгө болот.
2023-жылдын январынан 2024-жылдын апрелине чейин ал Нарын облусундагы президенттин ыйгарым өкүлүнүн аппаратында реформалар, санариптик өнүктүрүү жана креативдүү экономика башкармалыгын жетектеген.
2024-жылдын 1-апрелинен 2025-жылдын июлуна чейин Шабдан Абдырайым уулу Жалал-Абаддагы президенттин ыйгарым өкүлүнүн орун басары кызматын ишке ашырууда.
Азырынча комментарий жок. Биринчи болуңуз!
Жакшыраак сунуштарды алуу үчүн кириңиз
