Кыргызстанда өз атына кредит жана насыя алууга ыктыярдуу тыюу салуу механизми ишке киргизилгенине бир жыл болду. Бул аралыкта Улуттук банктын маалыматы боюнча, 2025-жылдын 1-ноябрынан 2026-жылдын 1-ноябрына чейин бул мүмкүнчүлүктү 304,9 миң жаран колдонгон.
2026-жылдын 1-ноябрына карата 200,1 миң жаранда өзүн-өзү тыюу салуу статусу активдүү бойдон калууда. Бул калган жарандар убактылуу эле эмес, биротоло коргоону тандап алышканын көрсөтөт.
Өзүн-өзү тыюу салуу көрсөткүчтөрү
Өзүн-өзү тыюу салуу деген эмне?
Бул — финансылык-кредиттик уюмдарда өз атына кредит жана насыя алууну алдын ала чектөөгө мүмкүндүк берген акысыз жана ыктыярдуу кызмат. Механизм жарандардын финансылык коопсуздугун жогорулатууга жана алардын атынан макулдугусуз кредит алынып кетүү коркунучун азайтууга багытталган.
Тыюу салууну «Түндүк» мобилдик тиркемеси аркылуу орнотууга болот. Ал үчүн «Кредит алууга өзүн-өзү тыюу салуу» опциясын активдештирип, кредиттик бюрону тандап, сурам жөнөтүү жетиштүү. Тыюу заматта күчүнө кирет. Чектөөнү алып салуу кайрылган учурдан тартып 12 сааттын ичинде ишке ашат. Эгерде кызмат эки кредиттик бюрода туташтырылган болсо, чектөөнү ар биринде өз-өзүнчө алып салуу зарыл.
Бул кызмат Кыргызстанда онлайн насыялар жаатындагы алдамчылык учурлары кескин көбөйгөндөн кийин киргизилген.
