Кыргызстандын Жарандык авиация мамлекеттик агенттиги «TezJet» авиакомпаниясынын ишмердүүлүгүн текшерүүдөн кийин лицензиясын жокко чыгарды.
Бул маалыматты «Кыргызстан аба майдандары» ААКы да тастыктады. Текшерүү учурунда ташуучунун авиациялык мыйзамдардын талаптарын олуттуу бузганы аныкталды, бул түздөн-түз учуулардын коопсуздугуна таасир эткен.
Жарандык авиация агенттиги жүргүнчүлөрдүн коопсуздугун негизги артыкчылык катары карайт жана учуулардын коопсуздугуна коркунуч жараткан бардык авиакомпанияларга, алардын аталышына же авиациядагы ордуна карабай, катуу чараларды көрөт.
Ошондой эле, Кыргызстандын бардык авиакомпанияларына пландан тышкаркы инспекциялык текшерүүлөрдүн жүргүзүлүшү жөнүндө чечим кабыл алынды. Текшерүүлөр учурунда авиациялык мыйзамдардын жана коопсуздук талаптарынын сакталышы бааланды.
Жарандык авиация мамлекеттик агенттиги кырдаалды тыкыр көзөмөлгө алып, мыйзам бузгандарды жоопкерчиликке тартуу чараларын көрүүдө. Иликтөөнүн жыйынтыктары жана аткарылган чаралар тууралуу кошумча маалымат берилет.
