Талас шаарында 16-июлда мэр Нургазы Асылбеков БУУнун Кыргызстандагы «Аялдар» структурасынын өкүлдөрү менен жолугушту. Жолугушууда аялдар жана кыз-келиндерге карата зомбулукту алдын алуу боюнча кызматташтык маселелери талкууланды.
Тараптар 2026-жылга карата стратегиялык приоритеттерди, жаштарды коомдук демилгелерге активдүү катыштырууну, жергиликтүү деңгээлде гендердик теңчиликти илгерилетүүнү жана зомбулуксуз коом түзүүгө багытталган биргелешкен долбоорлорду ишке ашырууну карашты.
Жыйынтыгында мэрия менен БУУ өкүлчүлүгү кызматташтыкты мындан ары бекемдеп, аталган багыттарда биргелешкен иш-чараларды өткөрүү боюнча макулдашты.
