Объекттин жалпы узундугу 33,4 километрди түзөт. Учурда Алматы — Бишкек — Ташкент автожолунун 24,3 километрин жана Бишкек — Балыкчы — Нарын — Торугарт трассасынын 9,1 километрин толук реконструкциялоо иштери жүрүүдө.
Проекттин алкагында 13 транспорттук айрыкча куруу пландалган. Арасында 11и жаңы курулуш катары, 2си капиталды реконструкциядан өтөт.
Мотор жолдордун узартылган участктарында светофорлор болбойт, бул транспорттун үзгүлтүксүз жүрүүсүн камсыз кылат. Мындан тышкары, жолдун борборунда жана четтеринде металл коргоочу тосмолор жана заманауи жарыктандыруу орнотулат.
Жөө жүргүнчүлөр үчүн коопсуз жогору өтүү жолу жана 2,25 метр туурасындагы тротуарлар курулат.
Бул трассанын курулушу президент Садыр Жапаровдун колдоосу менен жана мамлекет тарабынан бөлүнгөн каражаттардын эсебинен жүргүзүлүүдө. Курулуш иштеринин жүрүшү Транспорт министрлигинин контролдоруна алынган.
