Россияга Индиядан биринчи партия бензин жеткирилди, деп билдирет Bloomberg агенттиги Kpler кызматынын маалыматына таянып.
Алгачкы партия Nayara Energy нефтеперерабатывающий заводу тарабынан өндүрүлгөн, анда "Роснефть" акция ээси болуп эсептелет.
18-июнда «Циклон» аттуу танкер болжол менен 42 миң тонна күйүүчү майды тиеп алганы маалымдалды. Бул жүк июлда Египеттин Дамиетта портунун жанында башка кемеге которулуп, август башында Россияга жеткирилген.
Reuters агенттиги июлдун башында билдиргендей, Россия күйүүчү май кризиси шартында Индиядан 60 миң тоннанын тегерегинде бензин алып баштаган. Жалпы алганда, Россия ай сайын башка өлкөлөрдөн 400 миң тонна бензин импорттоону пландоодо.
Кыргыз Республикасынын өкмөтү менен Россия 100 миң тонна күйүүчү майды ай сайын жеткирүү боюнча келишим түзгөнү мурда кабарланган. Бул учурда Россияда нефть кайра иштетүүчү заводдорго жасалган дрон кол салууларынан улам күйүүчү май жеткирүү дээрлик токтогон.
Кыргызстанда бензин менен дизельдин баасы көтөрүлүп, айрым АИ-95 маркалы бензин жана дизель кубаттоо бекеттеринде дефицит байкалууда.
Кыргызстан жыл сайын болжол менен 2 миллион тонна күйүүчү май керектейт, анын 95% Россиядан импорттолот.
