Москвада экинчи ачык Евразия кинопремиясы «Алмаз бабочка» сыйлоо аземи болуп өттү. Уюштуруучулардын билдирүүсүнө ылайык, бул жылдагы сыйлыктын талапкерлеринин катарына 19 өлкөдөн келген 41 тасма кирген.
Сыйлоо аземинин жыйынтыгында кыргызстандык Каныбек Калматов «Айтматов» тасмасы үчүн мыкты режиссер деп табылды.
19өлкөдөн келген тасмалар
41талапкер тасмалар
Бул жылы мыкты тасма номинациясы Никита Высоцкий менен Илья Лебедевдин «Август» чыгармасына таандык болду. Ал эми Евразия мейкиндигинен тышкары тартылган мыкты тасма — Руди Моринин (Куба) «232-көчө» лентасы деп визнадалды.
Башка номинациялар боюнча төмөнкүлөр белгиленди:
- «Мыктай актер» — Жасулан Копберген (Казакстан, «Рестарт»)
- «Мыкты актриса» — Дананир Мубир (Пакистан, «Менин Льярим»)
- «Мыкты сценарий» — Алирез Мотамеди (Иран, «Феянын кызы»)
- «Мыкты композитор» — Касым Муинзода (Өзбекстан, «Улуу Амир»)
- «Мыкты оператор» — Александр Плотников (Казакстан, «Эвакуация»)
Ошондой эле дүйнөлүк кинематографияга кошкон салымы үчүн актриса Алиса Фрейндлихке атайын сыйлык тапшырылды.
