Садыр Жапаров Москов районунун тургундары менен жолугушууда Беловодское айылындагы ишкердин сунушун угуп, ага жеңилдетилген кредит берүү маселесин карап чыгууну тапшырды. Тюльпан өстүрүү менен алектенген аял ишкер өндүрүштү өнүктүрүү үчүн каржылоого муктаж экенин билдирди.
Ишкердин айтымында, чарба Нидерланддан 1 миллион шилте (луковица) алып келет жана сезон учурунда болжол менен 200 адамды жумуш менен камсыз кылат. Бирок, жыл сайын каражаттын жетишсиздигине туш болушат. Банктар жеңилдетилген кредит берүүдөн баш тартып, жылдык 17–18% пайыз менен насыя сунуштап жатканын ал айтты.
Ишкердиктин көрсөткүчтөрү
Президент чакан жана орто бизнести каржылоо шарттарын тактап, анын ченемдери 6% түзөрүн белгиледи. Ушуга байланыштуу, Жапаров ишкерге Экономика министрлигине кайрылууну сунуштап, анын маселесин карап чыгууну тапшырды.
Азыркы учурда сезондук жумушчулар болжол менен бир ай иштеп, күнүнө 1,5 миң сом алышат. Эгерде каржылоо табылса, ишкана жыл бою иштөөгө өтө алат. Президент ишкана жыл бою иштеп, 200 адамды жумуш менен камсыз кылган шартта кредит берүү мүмкүнчүлүгүн табууну тапшырды.
