Эл аралык астрономиялык союздун (IAU) Чакан планеталар борборунун электрондук циркулярында жарыяланган ачылыш тууралуу маалыматка ылайык, объект Күндөн болжол менен 6,9 миллиард километр алыстыкта, башкача айтканда 46 астрономиялык бирдиктей аралыкта жайгашкан.
Алдын ала эсептөөлөр боюнча, анын диаметри 600дөн 1500 километрге чейин болушу мүмкүн. Эгерде өлчөөлөр тастыкталса, ED138 акыркы жыйырма жылда табылган эң чоң транснептун объектилеринин бири болуп калат.
Объект жөнүндө маалымат
Астрофизик Мэтью Холман 13-октябрда Симони телескобунун байкоолорун талдоо учурунда асман телосун байкаган. Ал кесиптеши Кевин Нейпир менен бирге иштеп чыккан алгоритмди колдонгон. Бул программа миллиарддаган жарык булактарынын арасынан кыймылдуу объекттерди салыштырат.
Андан соң Вашингтон университетинин астроному Марио Юрич 2026-жылдын мартынан бери жасалган кошумча байкоолорду тапкан.
Карлик планета деп эсептелиши үчүн объект өзүнүн тартылуу күчү аны дээрлик шар сымал формага келтире тургандай массага ээ болушу керек. Изилдөөчүлөрдүн баамында, ED138 бул критерийге жооп бериши мүмкүн, бирок тастыктоо үчүн кошумча байкоолор зарыл.
