Министрликтин маалыматына ылайык, министр Нурдан Орунтаевдин тапшырмасы менен Турак жай-жарандык курулуш департаментинин директорунун орун басары Мирлан Бузурманкулов жана «Кыргызкурулуш» мамлекеттик ишканасынын директорунун орун басары Таалайбек Алымкулов Ош шаарындагы 10 жаңы мектептин курулуш-монтаж иштеринин жүрүшү менен жеринде таанышып, текшерүү жүргүзүштү.
Инспекциянын алкагында курулуш иштеринин сапаты, аткаруу темпи жана бекитилген графикке ылайык жүргүзүлүп жаткандыгы кылдат текшерилди. Учурда бардык 10 объектте комплекстүү курулуш иштери уланып жатат, аткарылган иштердин жалпы көлөмү 35-45%ды түзөт.
