Ноокен районунда сел агымын тосуп турган көпүрө менен тосмо алынды

Жалал-Абад облусунун Ноокен районунун Көк-Там Момбеков айыл аймагында сел каналынын үстүндө коюлган үйдүн тосмосу жана ички чарба көпүрөсү алып салынды.

Бул тууралуу Жалал-Абад облустук Өзгөчө кырдаалдар башкармалыгынан билдиришти. Алардын маалыматына караганда, аталган курулуштар сел агымына тоскоол болуп келген.

2026-жылдын 13-июлунда саат 19:30 чамасында катуу жаан-чачындан улам сел жүрүп, 466 турак үйдүн двору сугарылган.

Бул көрүнүшкө байланыштуу Ноокен районунда III даражадагы өзгөчө кырдаал жарыяланды.