Акыркы учурда коомдук талкууга чыгарылган мыйзам долбоорунун негизинде, акысыз юридикалык жардам алууга татыктуу жарандардын кирешесин аныктоо тартиби өзгөрөт. Мыйзамдын автору боюнча, мурда колдонулган формуланын ордуна, кирешенин чектөөчү өлчөмүн Министрлер Кабинети өзүнүн токтому менен аныктай турган болот.

Учурда бул жардамды алуу үчүн жарандын акыркы 12 айдагы кирешеси минималдуу эмгек акынын 60 эселинден ашпоосу керек. Бул көрсөткүчтүн учурдагы мааниси төмөндөгүдөй:

Учурдагы көрсөткүчтөр

3 280минималдуу эмгек акы (сом)
196 800жылдык чектөөчү сумма (сом)
16 400айлык орточо чектөө (сом)

Документте жаңы чектөө суммасы так көрсөтүлгөн эмес. Жаңы механизм калктын жашоо деңгээлин, юридикалык жардамга болгон муктаждыкты жана бюджеттин мүмкүнчүлүктөрүн эске алуу менен чекти кайра карап чыгууга шарт түзөт.

Мыйзам долбоорунда жардам алууга укугу бар адамдардын категориялары же кирешени эсепке албай жардам берүү учурлары өзгөрөт деп айтылган эмес. Бирок, минималдуу эмгек акы көтөрүлгөндө, акысыз жардам алууга татыктуу жарандардын саны көбөйүп, бул бюджетке кошумча чыгымдарды алып келиши мүмкүн.

Өзгөртүүлөрдөн кийин жардам алуучулардын саны көбөйөбү же азаябы, бул азырынча белгисиз.