Манас шаарындагы "Достук" паркында жаңыдан ачылган Даңк аллеясы ар бир доордун баатырларын эскерүүгө арналган эстеликтерди камтыйт.
Ачылышта Жалал-Абад облусундагы Президенттин толук/ион өкүлү Тилек Текебаев, Манас шаарынын мэри Уларбек Исмаилов, Ош шаарындагы Орус үйүнөн жана Жалал-Абад облусундагы "Славян диаспорасы" Ассоциациясынын өкүлдөрү катышты.
Мемориалдардын курамы
Даңк аллеясына "Жеңиш" паркынан көчүрүлгөн Улуу Ата Мекендик согушка арналган "Кайгылуу эне" жана "Түбөлүк от" эстеликтери коюлду.
Афганистандагы согушка катышкан аскерлерге, ошондой эле 1999–2000-жылдардагы Баткен окуяларынын катышуучуларына арналган мемориалдар да ушул жайга жайгаштырылды.
Паркка кире беришинде Чернобыл атомдук станциясындагы аварияны тазалоочуларга жана Аскер-деңиз флотунун кызматкерлерине арналган эстеликтер орнотулган.
Манас шаардык бюджети эсебинен эстеликтерди жаңы жайга көчүрүү жана жайгаштыруу иштерине каражат бөлүнгөн.
