Кыргызстандын тоолуу аймактарында аба ырайынын кескин өзгөрүшү күтүлүүдө. 12-13-ноябрда өлкө боюнча туруксуз аба ырайы болуп, айрым жерлерде катуу жаан-чачын жаашы мүмкүн.
Кыргызгидрометтин маалыматы боюнча, батыш тараптан соккон шамалдын ылдамдыгы секундасына 15 метрден 20 метрге чейин жетиши ыктымал.
Температуранын көрсөткүчтөрү
Чүй, Талас, Ысык-Көл жана Нарын облустарында түнкүсүн температура -9 градуска чейин түшөт. Ал эми Суусамыр өрөөнүндө жана бийик тоолуу жерлерде суук -15 градуска чейин жетиши мүмкүн. Ош, Жалал-Абад жана Баткен облустарынын өрөөндөрүндө түнкүсүн аба -1...6 градус жылуу сакталат.
Жолдордогу коркунучтар
Аба ырайынын өзгөрүшү тоолуу жолдордо муз тоңушуна жана тайгакка алып келиши ыктымал. Ошондой эле, катуу жаан-чачын жана туман айдоочулардын көрүү аралыгын чектөөгө алып келет.
Бул аба ырайы жол кыймылына, энергетика жана коммуналдык кызматтардын ишине тоскоолдук жаратышы мүмкүн экени айтылган.
