Кыргызстандын Экономика жана коммерция министрлиги Өзбекстандагы «Ташкент» эркин экономикалык аймагы менен кызматташуу пландарын жарыялады.
Министрликтин басма сөз кызматы билдиргендей, Кыргызстандын ТИМдин соода өкүлчүлүгү Өзбекстандагы аталган аймактын жетекчилиги менен соода-экономикалык кызматташтыкты өнүктүрүү жана биргелешкен инвестициялык долбоорлорду ишке ашыруу маселелерин талкуулашты.
Ошондой эле эки өлкөнүн өнөр жай кызматташтыгын кеңейтүү, ишкерлердин өз ара иш алып баруусун бекемдөө жана биргелешкен долбоорлорду жандандыруу шарттары каралды.
«Ташкент» эркин экономикалык аймагынын өкүлдөрү инвесторлорго сунушталган шарттар, мамлекеттик колдоо чаралары, салыктан жана бажыдан жеңилдиктер тууралуу маалымат беришти.
Тараптар эркин экономикалык аймактарды башкаруу тажрыйбасын алмашуу, инвестициялык долбоорлордун илгерилөөсүн колдоо жана Кыргызстандын тиешелүү органдары менен кызматташтыкты андан ары улантуу боюнча макулдашышты.
