Кыргызстанда мораторий учурунда эт саткан жана мал азыктарын иштеткен ишканаларды ветеринардык инспекторлор текшерүүгө уруксат берүү боюнча долбоор коомдук талкууга коюлду.
Долбоор боюнча текшерүүлөр өндүрүштөн баштап, этти сактоо, ташуу жана сатуу этаптарында жүргүзүлөт. Ошондой эле базарлардагы ветеринардык-санитардык экспертиза лабораториялары да текшерүүдөн кутулбайт.
Инициативанын авторлору мындай чаралар тамак-аш ууланууларынын жана жаныбарлар менен адамга жалпы мүнөздүү оорулардын жайылышынын коркунучун жогорулаткан шарттардан улам зарыл деп эсептейт.
2025-жылы өлкө боюнча 232 тамак-аш уулануу учур катталып, 580 адам жабыркаган. Алардын 11и массалык уулануу болуп эсептелет. Бишкекте болсо ошол жылы 159 учуру, 2026-жылдын 12-мартына чейин дагы эки массалык уулануу катталган.
2025-жылга жана 2026-жылдын башына чейин мал азыктарынан жана ошого окшош тамактардан 139 адам жабыркаган. Алардын 111и, демек, жакынча 80 пайызы шаурма жана эт азыктарынын тез даярдалган түрүнөн жаралган.
Негизги себептер катары тамак даярдоонун технологиясын бузуу, туура сактабастык, жетишсиз термикалык иштетүү жана санитардык талаптарды сактабагандыгы аталууда.
Андан тышкары, лабораториялык көзөмөл мал азыктарында антибиотиктердин жана ветеринардык препараттардын сакталып калаарын аныктап келет. 2024-жылы 151 оң жыйынтык түшсө, 2025-жылы 166 учур катталды.
Долбоордун түзүүчүлөрү ветеринардык текшерүүлөрдү кадимки бизнес контролго салыштырбоо керектигин, анткени алар коомдун саламаттыгын коргоого багытталганын белгилешти.
