Кыргызстанда чарбалык малдарды, анын ичинде уй, торпок, кой жана эчкилерди өлкөдөн чыгарууга болгон тыюу салуу чарасын дагы алты айга узартуу пландалууда. Акыркы жолу бул чектөө 2026-жылдын мартында киргизилип, мөөнөтү 2026-жылдын 8-сентябрында аяктайт.
Ички рынокту мониторингдөө көрсөткөндөй, өлкөнүн азык-түлүк коопсуздугуна жана эт продукциясынын нарк Деңгээлдерине олуттуу терс таасир эте турган жагдайлар сакталып келет. Аталган чара колдонулбаса, ички рыногунда эттин жетишсиздиги жана баалардын өсүшү мүмкүн.
Министрликтин маалыматына ылайык, мал сатууга тыюуну сактоо ички базарга эттин жетиштүү көлөмдө камсыз болушуна, жергиликтүү ишканаларды чийкизат менен камсыз кылууга жана калктын кызыкчылыгын коргоого мүмкүндүк берет.
Долбоор коомдук талкууга коюлган жана кабыл алынган соң расмий түрдө ишке кирет. Бул чечим мал чарбачылык жана айыл чарба тармагындагы көйгөйлөрдү минималдаштырууга багытталат.
