Башкы прокуратура 2026-жылдын биринчи тогуз айындагы үй-бүлөлүк зомбулук боюнча статистиканы жарыялады. Маалыматка ылайык, ушул мезгилде 21 миң 754 билдирүү катталган — бул 2025-жылдын ушул эле мезгилине караганда 30,6%га көп.
2026-жылдын 9 айындагы көрсөткүчтөр
Өсүү динамикасы акыркы жылдары
Үй-бүлөлүк зомбулук боюнча кайрылуулардын саны жыл сайын өсүп жатат. Башкы прокуратуранын маалыматы боюнча, 2022-жылы 11 миң 174, 2023-жылы 14 миң 20, 2024-жылы 18 миң 81, ал эми 2025-жылы 23 миң 518 кайрылуу катталган.
Үй-бүлөлүк зомбулук боюнча кайрылуулардын динамикасы
1 января 2022 г. — 1 января 2025 г.: 11 174,0 кайрылуу → 23 518,0 кайрылуу
| Күнү | Кайрылуулар |
|---|---|
| 1 января 2022 г. | 11 174,0 кайрылуу |
| 1 января 2023 г. | 14 020,0 кайрылуу |
| 1 января 2024 г. | 18 081,0 кайрылуу |
| 1 января 2025 г. | 23 518,0 кайрылуу |
Башкы прокуратура
| Күнү | Кайрылуулар |
|---|---|
| 2022 | 11 174 кайрылуу |
| 2023 | 14 020 кайрылуу |
| 2024 | 18 081 кайрылуу |
| 2025 | 23 518 кайрылуу |
Протоколдор жана кылмыш иштери
Катталган фактылар боюнча 521 кылмыш иши козголгон — былтыркыга караганда 14,2%га көп. Укук бузуулар кодексинин 70-беренеси (үй-бүлөлүк зомбулук) боюнча 7 миң 125 протокол түзүлгөн, бул көрсөткүч 2025-жылдын ушул мезгилиндеги 4 миң 22ден эки эсеге жакын көп.
71-берене (убактылуу коргоо ордеринин талаптарын аткарбоо) боюнча 588 протокол түзүлгөн, былтыр 188 болчу. Дагы 24 протокол коррекциялык программадан баш тарткандарга карата жазылган.
Прокурордук көзөмөлдүн жыйынтыгы
Көзөмөл органы тарабынан 9 айда үй-бүлөлүк зомбулукту алдын алуу жана балдарды коргоо маселелери боюнча 198 текшерүү жүргүзүлүп, 536 мыйзам бузуу аныкталган. Бузууларды жоюу үчүн 175 сунуштама, 19 талап, 3 протест жана 4 эскертүү киргизилген. Ошондой эле 2 кылмыш иши жана 2 тартип иши козголгон.
Үй-бүлөлүк зомбулукка жана жашы жете электердин арасындагы кылмыштуулукка каршы аракеттенүү прокурордук көзөмөлдүн артыкчылыктуу багыттарынын бири бойдон калууда.
Адистердин айтымында, кайрылуулардын көбөйүшү жарандардын укуктарын коргоо механизмдерине ишениминин артышы жана каттоо системасынын жакшырышы менен да байланыштуу болушу мүмкүн. Бирок сандардын өсүшү коомдо үй-бүлөлүк зомбулукту алдын алуу боюнча кошумча чараларды көрүү зарылдыгын көрсөтүп турат.
