Кыргызстандын Тышкы иштер министрлиги БУУнун Коопсуздук Кеңешинде жаңы мүчө катары иш баштоосуна даярдык көрүү максатында Нью-Йорктогу дипломатиялык өкүлчүлүгүн кеңейтет.
Азыркы учурда Туруктуу өкүлчүлүктө тогуз дипломат иштейт, жакын арада алардын саны он сегизге көбөйтүлөт. Ошондой эле кошумча он кызматкер дипломатиялык миссиянын ишине көмөк көрсөтүү үчүн жөнөтүлөт.
Министр Жээнбек Кулубаевдин сөздөрүнө караганда, жакын арада бир топ дипломат Нью-Йоркко жөнөп, жаңы мүчө мамлекеттер үчүн уюштурулган атайын окуудан өтүшөт. Бул программа комитеттердин ишин, ошондой эле келерки жылдын күн тартибиндеги негизги маселелерди түшүндүрүүгө багытталган.
Азыркы убакта дипломаттар документтерди изилдеп, материалдарды талдап жана эл аралык маселелерди карашын терең билүү үчүн даярданышат. Алар ар бир маселени ички жагынан түшүнүшү абзел, ошондо гана позициясын аныктап, демилгелерди колдоо же колдобоо чечимин кабыл алат.
Кыргызстандын Коопсуздук Кеңеши менен иштешүүсү 1-январдан башталат. Мындай жагдайга байланыштуу адистерди даярдоого жана эл аралык күн тартибин терең изилдөөгө өзгөчө маани берилүүдө.
