Кыргыз Республикасынын Тышкы иштер министрлиги президенттин атайын жарлыгынын негизинде мыйзамсыз жүргөн чет элдик жарандар жана жарандыгы жок адамдарга «жашыл коридор» ачылганын билдирди.
Бул чара аркылуу 2026-жылдын 1-июлунан 31-июлуна чейин мыйзам бузуу менен Кыргыз Республикасында жүргөндөр өз каалоосу менен административдик айыптарсыз өлкөнү таштап кетсе болот.
Мыйзамсыз жүргөн жарандар биринчи кезекте жашаган жериндеги ички иштер бөлүмдөрүнө кайрылып, чыгуучу визага арыз берүүгө керектүү кат алышы керек.
Андан кийин ишенимдүү www.evisa.e-gov.kg расмий сайтынан чыгуучу визаны өз алдынча каттоодон өткөрүшөт.
- Виза акысыз берилет
- Административдик айыптар колдонулбайт
- Ар бир мыйзамсыз жүргөн адам өз алдынча процедураны аткарууга милдеттүү
ТИМ бул механизмден пайдаланууну толук мыйзамдуу тартипте гана жүргүзүүнү эскертти.
