Кара-Балтадагы жогорку паркта ар жумалык бий вечеринкеси уюштурулуп, бул элге ачык болуп саналат. Иш-чаралар Ленин атындагы маданият үйүнүн чыгыш тарабындагы аянтчада өтөт.
Бул демилгени шаар тургундары Камиль Валижанов менен Виталий Пак көтөрүп чыккан. Алар белгилегендей, иш-чарага көбүнчө кекселер катышып, алар ошол кездеги белгилүү музыкаларды угуп, бийлөө менен убакыттарын кызыктуу өткөрүшөт.
Камиль Валижановдун айтымында, бий кешелерине катышуучулардын саны арбып жатат жана алар муну улантуу үчүн үн системасын күчөтүүнү көздөшүүдө. Үн күчөтүүчү жабдууларды алар өздөрүнүн жеке каражатына сатып алууну пландаштырышууда.
Бул бий вечеринкасы шаардыктарга жана конокторго ачык болуп, коомдук турмушу жигердүү болгондордун көңүл ачуу жана достору менен жолуга турган жакшы мүмкүнчүлүк болуп калды.
