Эл аралык футбол федерациясы (ФИФА) 2026-жылы өткөн Дүйнө чемпиондугунун жыйынтыгы боюнча символикалык курамды ачыктады. Бул курамга дүйнөлүк футболдун жылдыздары кирди. Ошондой эле, чемпионаттын тарыхында биринчи жолу 48 команда катышып, 104 оюн ойнолгон.
Эл аралык футбол федерациясы (ФИФА) 2026-жылкы футбол боюнча Дүйнө чемпиондугунун символикалык курамын жарыялады. Бул тууралуу уюмдун расмий сайтында маалымдалды.
Чемпионаттын ачылыштарынын бири болгон Кабо-Верде курамасынын дарбазачысы Возинья символикалык курамдын дарбазачысы аталды.
Коргоочулар катары Испаниядан Марк Кукурелья менен Педро Порро, Франциядан Дайо Упамекано жана Аргентинадан Лисандро Мартинес тандалды.
Жарым коргоочулар линиясында Англиядан Джуд Беллингем, Испаниядан Родри жана Франциядан Майкл Олисе бар.
Чабуулчулар катары Лионель Месси (Аргентина), Эрлинг Холанн (Норвегия) жана Килиан Мбаппе (Франция) кирди.
2026-жылкы Дүйнө чемпиондугу тарыхта биринчи жолу 32 команданын ордуна 48 курама команданын катышуусунда өттү. ФИФА кабыл алган бул формат катышуучу командалардын географиясын кеңейтип, кошумча 40 оюнду киргизүү менен жалпы матчтардын санын 104кө жеткирди.
ФИФАнын башчысы Джанни Инфантино командалардын санын 64кө чейин көбөйтүү мүмкүнчүлүгү каралып жатканын белгиледи.
Эске салсак, 2026-жылкы футбол боюнча дүйнө чемпиону Испания курамасы болду. Финалда Испания Аргентинаны жеңип алды. Негизги убакыт 0:0 эсебинде аяктап, экинчи кошумча убакытта "Барселона" клубунун 26 жаштагы чабуулчусу Ферран Торрес жалгыз голду киргизген.
Жакшыраак сунуштарды алуу үчүн кириңиз
Азырынча комментарий жок. Биринчи болуңуз!
