Европадагы телевизион каналдарына бомба коюлгандыгы тууралуу эскертүү келди

Авиакомпаниялар менен бир катар Европанын бир нече телевизион каналдарына бомба коюлгандыгы тууралуу эскертүүлөр келди. Бул тууралуу Meduza басылмасы билдирет.

Эскертүүлөрдү Ирландиянын RTE телекомпаниясы, Британиянын Sky телеканалы жана Болгариянын Nova TV каналы сыяктуу медиа мекемелер кабыл алышкан. Редакциялар текшерилгенден кийин, ал жерде эч кандай жарылгыч түзүлүштөр табылган эмес.

Жалган билдирүүлөрдүн артында ким турганы белгисиз бойдон калууда. RTE жана Nova каналдарына Михаил Андропов аттуу адамдын атынан каттар келген. Бул ысым СССР Компартиясынын башкы катчысы Юрий Андроповго шилтеме болушу мүмкүн деп божомолдонууда. Каттын автору мурда авиакомпанияларга да бомба тууралуу эскертүүлөр келгендигин айткан.