Счеттик палатанын жыйынтыгында белгиленгендей, 2025-жылдагы аудиттин натыйжасында ОАО «Кыргызнефтегаз» ишмердүүлүгүндө 967 миллион 824,3 миң сомдук каржылык бузуулар жана олуттуу кемчиликтер табылган.
Бул суммада 135 миллион 888,7 миң сом мамлекетке кайтарылышы керек, бирок аудит учурунда анын ичинен болгону 8 миллион 904,9 миң сом гана кайтарылган.
Мындан башка, ишкананын жана анын туунду компаниясынын жоопкерчиликсиздигинен улам кошумча киреше алуу мүмкүнчүлүгү колдон кетип, бул сумма 494 миллион 958,7 миң сомго жеткен.
Эмгек акы фонду менен байланышкан ички тартипсиздиктер жана туура эмес тариздөө дагы 281 миллион 422 миң сомду түздү.
«Кыргызнефтегаздын» жетекчилигинин көңүл буруусуздугу натыйжасында 120 миллион сомдук карыздарды башкаруу туура эмес жүргүзүлдү, ал эми 53 миллион 954,9 миң сом мыйзамсыз жана ашыкча чыгымдарга коротулган.
Андан тышкары капиталы курулуш иштериндеги бузуулар 6 миллион 456,3 миң сомго, мамлекеттик сатып алуулардагы кемчиликтер болсо 2 миллион 127,5 миң сомго бааланган.
Аудит учурунда жалпы 8 миллион 904,9 миң сом кайтарылганын көрсөттү, бирок мамлекетке кайтарылышы керек болгон сумма андан дагы көп.
