Бельгиялык авто дизайн боюнча адис Пьер Леклерк Россиянын жарандыгын алганы аныкталды. Россия президенти Владимир Путин тиешелүү жарлыкка кол койду.
Пьер Леклерк BMW компаниясында дизайн бөлүмүнүн жетекчиси болуп эмгектенген. Ал BMWнин X5 жана X6 үлгүсүндөгү SUV үлгүлөрүн иштеп чыгууда активдүү катышкан.
2013-жылдан 2017-жылга чейин Леклерк Кытайлык Great Wall Motors компаниясынын дизайн бөлүмүн жетектеп, анын ичинде Haval H6 модели боюнча долбоорлорго жооптуу болгон.
Андан кийин ал Кореянын Kia Motors жана Франциянын Citroën автоунаа компанияларында дизайн бөлүмдөрүн башкарган. Учурда Citroën компаниясында баш дизайнер болуп иштеп жатат.
Россиянын жарандыгын алуу себеби коомчулукка ачык айтылган жок.
