Бишкек шаарында жер тилкесин сатуу боюнча иш алып барууда шектелген адам кармалды. Бул тууралуу Ленин райондук ички иштер бөлүмү билдирди.
2025-жылдын май айында шектүү арыз берүүчүнүн ишенимин жеңип, жер тилкесин сатып алууга көмөктөшөбүз деп убада берген. Ал өз кызматтары үчүн 15 миң доллар алган, бирок убадасын аткарбай, акчасын кайтарбай, байланыштан чыга калганы айтылат.
Бул факты боюнча Кыргыз Республикасынын Кылмыш-жаза кодексинин 209-беренеси («Мошенничество») боюнча кылмыш иши козголгон.
Изилдөө-оперативдик ыкчам иш-чаралардын натыйжасында 1986-жылы туулган А.Т. аттуу шектүү кармалды. Ленин райондук сотунун чечими менен ал эки айга камакка алынып, Бишкектеги СИЗО-1ге киргизилди.
Милициянын маалыматы боюнча азыр анын дагы үч окшош алаякчылык эпизоддору боюнча тиешеси такталуучу болуп жатат.
Ички иштер органдары шектүү тарабынан жабыркагандарды Ленин райондук ИИБге 0 500382455 же 102 телефондору аркылуу кайрылууга чакырышат. Тергөө иштери уланууда.
