Абу-Даби эл аралык финансы борборунун (ADGM) соту Binance компаниясындагы коопсуздук инциденттен кийин уурдалган криптоактивдерди издөө, тоңдуруу жана кайтарып алуу боюнча токтом чыгарга. Бул чаралар жалпы суммасы 6,5 миллиард доллар болгон каражаттарды көзөмөлгө алууга багытталган.

Binance компаниясынын билдирүүсүнө ылайык, ADGM соту алдамчылыкка аралашкан белгисиз адамдардын активдерин колдонууга дүйнөлүк деңгээлде тыюу салды. Ошондой эле уурдалган каражаттарды кайтаруу максатында убактылуу камсыздоо чаралары жана мүлктү өткөрүп берүү боюнча токтомдор кабыл алынган.

Токтомдордо соттук документтерди блокчейн аркылуу жөнөтүү мүмкүнчүлүгү каралган. Мындан тышкары, уурдалган каражаттар жайгашкан деп эсептелген 26 миң криптокапчыктын дарегинен турган дайыма жаңыланып туруучу тизме түзүлөт. Рыноктун катышуучулары бул тизмедеги өзгөрүүлөр жөнүндө билдирүүлөрдү алышып, бул инцидентке байланыштуу активдерди ыкчам аныктоого жана тоңдурууга мүмкүндүк берет.

Binance компаниясынын башкы юридикалык кеңешчисинин орун басары Дуган Блисс компаниянын позициясын билдирди. Анын айтымында, инцидентке таасир эткен бардык активдер толукталып, каржылык жоготууларды компания өзүнө алган болсо да, каражаттарды кайтаруу иши улантылууда.

Негизги көрсөткүчтөр

6,5 млрдактивдердин суммасы (доллар)
26 миңкриптокапчыктардын дареги