2026-жылдын июлу дүйнө жүзүндө экинчи ири ысык ай катары катталды, мында Мировой океандын бети рекорддук жогорку температурага жетти. Бул тууралуу Дүйнөлүк метеорологиялык уюм билдирип өттү.
Европалык «Коперник» климаттык өзгөрүүлөр кызматынын маалыматы боюнча, июлда глобалдык жер бетинин орточо температурасы 1850-1900-жылдардагы индустриялык мурунку мезгилге салыштырмалуу 1,47 градус Цельсий жогору болду.
Батыш Европа июнь-июль айларында байкоонун тарыхындагы эң ысык мезимди баштан кечирди. Аймакта экстремалдык ысытма толкундары август айында дагы уланууда, айрым өлкөлөрдө бул май айынан бери төртүнчү толкун болду.
Жогорку температуралар, топурактын өтө кургак болгондугу жана кургакчылык экосистемаларга жана айыл чарбага бузукулуктарга алып келип, дарыялардын суусу, транспорт жана энергетика тармагына да терс таасирин тийгизүүдө. Ошондой эле өрт коркунучун жогорулатууда.
Август айынын башында Борбордук Европа менен Балкан аймагында жаңы температуралык рекорддор катталып, Азиянын Япония, Корея сыяктуу мамлекеттеринде, Орто Чыгышта жана Латын Америкасында мындай жогорку температуралар байкалууда.
Дүйнөлүк метеорологиялык уюмдун климаттык маалымдоо бөлүмүнүн башчысы Джон Кеннеди бул абалды глобалдык жылытуу менен аймактык басымдын бириккен таасири деп түшүндүрдү. Ал ошондой эле түндүк жарымшарды камтыган жогорку жана төмөнкү басымдар аймактарынын узак мөөнөткө чейин стабилдүү болуп калышы ысыктын себепчиси экенин белгиледи.
Кеннеди июнда Борбордук Азияда ушул эле жогорку басым аймагына байланыштуу экстремалдуу ысык абанын пайда болгонун кошумчалады.
