Материалдар: 3
Минск шаардык соту криминалдык авторитет Алманбет Анапияевди өзгөчө мыкаачылык менен өлтүрүү иши боюнча Кыргызстандын эки жаранына өкүм чыгарды. Гүлжигит Абилазизов 18 жылга, Бектурсун Торобаев 13 жылга күчөтүлгөн режимдеги колонияга кесилди. Сот ишинде кылмыштын уюштуруучусунун аты аталган жок жана тергөө иштери уланып жатканы белгиленди.
Кыргызстандын Улуттук коопсуздук мамлекеттик комитети жана Ички иштер министрлиги Интерпол менен кызматташтыкта Грузиядан Камчы Кольбаевге тиешеси бар деп шек саналган уюшкан кылмыштуу топтун мүчөсүн экстрадиялады. Бул адам 2019-жылы Чаткал жана Ала-Бука райондорундагы тоо-кен тармагын көзөмөлдөө менен байланышкан кылмыштарга шектелүүдө.
Ички иштер министрлиги Бишкекте 2008-жылы болгон эки кишинин өлүмү менен байланышкан кылмыш ишин 18 жылдан кийин ачканын билдирди. Тергөөнүн версиясы боюнча, бул окуя кримавторитеттер Камчы Кольбаев менен Рысбек Акматбаевдин тарапташтарынын ортосундагы тирешүү менен байланыштуу. Учурда төрт адам кармалды жана тергөө иштери уланууда.
