Венгриянын Премьер-министри Петер Мадьяр өзүнүн Facebook баракчасында Виктор Орбандын бир тууганы Арон адам сатуу айыбы менен камакка алынганын билдирди. Бул маалыматты DW агенттиги тараткан.
Маалыматтын алгачкы булагы катары Kontroll жаңылыктар сайты көрсөтүлгөн. Аталган медиа ресурсту Петер Мадьярдын бир тууганы башкарат деп AFP агенттиги тактап жатат. Иш-чаранын алкагында укук коргоо органдары адам сатууну изилдөө боюнча бир нече адамды кармап, жашаган жерлериннен издөө иштерин жүргүзүүдө.
Текшерүү иштерин Улуттук тергөө бюросу (NNI) жана Мадьярдын кампаниясынын алкагында түзүлгөн коррупцияга каршы орган — Улуттук активдерди кайтаруу жана коргоо башкармалыгы (NVVH) жүргүзүүдө.
Венгриянын мурунку премьер-министри Виктор Орбан бул кармоону «адепсиз оюн» деп атап, өкмөттү саясий оппоненттерди четтетүүгө аракет кылып жатат деп айыптады. Ал өзүнүн бир тууганы аркылуу жасалган бул аракеттердин максаты өзү экенин белгиледи. Ал эми Петер Мадьяр Орбандын бул жообу анын бир тууганынын кармалганын иш жүзүндө тастыктаганын айтты.
Арон Орбан өзүнүн бир тууганы бийликте жүргөн мезгилде бир нече ийгиликтүү бизнес долбоорлорду ишке ашырган. Өткөн жылы иликтөөчү журналисттер анын компанияларынын бирин Венгриянын жумушчу визаларын алууга көмөктөшүү схемасы менен байланыштырышкандыгын билдиришкен.
