Улуттук банк 2-ноябрда валюта рыногуна интервенция жасап, 214,5 миллион доллар сатты. Бул тууралуу регулятор өзү билдирди. Операция ушул жылдагы 13-сатуу болду.
Улуттук банк 2-ноябрда валюта рыногуна интервенция жасап, 214,5 миллион доллар сатты. Бул тууралуу регулятор билдирди.
Сатылган сумманын ичинен 16,5 миллион доллар келишим түзүлгөн күнү эсептешүү менен, ал эми 198 миллион доллар башка күнү эсептешүү шарты менен өткөрүлдү.
Буга чейин 7-октябрда Улуттук банк 207,55 миллион доллар саткан эле. Демек, ноябрдагы интервенциянын көлөмү андан 6,95 миллион долларга көбүрөөк.
Жыл башынан 2-ноябрга чейин Улуттук банк жалпысынан 2 миллиард 293,55 миллион доллар сатты. Чет элдик валютаны сатып алуу операциялары быйыл катталган эмес.
Быйылкы эң ири сатуу 29-июнда болгон — 222,55 миллион доллар. 2-ноябрдагы интервенция көлөмү боюнча экинчи орунда турат.
