5-августта Борбордук шайлоо комиссиясы мүмкүнчүлүгү чектелген жарандардын шайлоо процесстери боюнча укуктарын жакшыртуу жана ишке ашыруу максатында туруктуу жумушчу топ түзүү чечимин кабыл алды.
Бул топ шайлоолордо жана референдумдарда ошол адамдардын тоскоолдуксуз жана тең укуктуу катышуусун камсыз кылууга багытталат. Ал шайлоо учурунда келип чыгышы мүмкүн болгон көйгөйлөрдү изилдеп, мыйзам долбоорлорун жана шайлоо инфраструктурасынын жеткиликтүүлүгүн жакшыртуу боюнча сунуштарды иштеп чыгат.
Жумушчу топ мамлекеттик жана муниципалдык органдардан маалымат алып, жергиликтүү шайлоо комиссияларынын ишин көзөмөлдөп, эксперттерди жана коомдук уюмдарды тартуу менен шайлоо объекттеринин жеткиликтүүлүгүн аудиттен өткөрө алат.
Топтун курамына ЦИКтин мүчөлөрү жана кызматкерлери, мамлекеттик жана муниципалдык органдардын өкүлдөрү, эксперттер жана коммерциялык эмес уюмдардын өкүлдөрү кириши мүмкүн. Заседаниялар жылына кеминде эки жолу өтүп, чыгарылган чечимдер сунуш мүнөзүндө болот.
