11-ноябрда Ош шаарынын мэри Жанар Акаев «Жибек-Жолу» муниципалдык аймактык башкармалыгынын тургундары менен жолугушууда болду. Жолугушууга Ош шаардык кеңешинин төрагасы, шаардык ИИМ башчысы, ошондой эле шаардык мекемелердин жана ишканалардын жетекчилери катышты.
Тургундардын арасындагы бир аял өз уулунун окуясын айтып, анын жасалма айып менен соттолгонун билдирди.
Менин уулумду «подставили» (жасалма айып коюп) камакка сатышты, менде башка кожоюн жок.
Аталган аялдын маалыматы боюнча, 1989-жылы туулган уулу Кылмыш-жаза кодексинин 282-беренеси («Сатуу максатында баңгизаттарды, психотроптук заттарды жана алардын аналогдорун мыйзамсыз даярдоо») боюнча 10 жылга соттолгон.
Аялдын арызынан кийин прокуратура кызматкерлери ага мыйзамдуу тартип боюнча түшүндүрүү иштерин жүргүзүү үчүн аны өзүнчө алып чыгышты.
Ошондой эле дагы бир аял өз уулу Россияда соттолуп, 21 жылга өмүр мөөнөтүнө чейин камакка алынганын айтты. Азыркы учурда ал Бишкек шаарындагы №27 колониясында жатат.
Бул аял балдарын жалгыз тарбиялап келерин жана ден соолугунун начарлап жатканын кошумчалады. Прокуратура кызматкерлери ага да жардам берүүгө убада беришти.
