Нарын облусунун Жумгал районундагы жалпы врачылык практикалык борборунун тез жардам бөлүмүндө 27-июнда дарыгерге карата физикалык зомбулук колдонулганы катталды.
Бул факт боюнча кылмыш иши козголуп, соттук-медициналык экспертизанын жыйынтыгына ылайык, жабырлануучу жеңил жаракат алган.
Шектүү адам аныкталып, убактылуу кармоочу жайга жеткирилген.
Бирок 15-июлда райондук сот шектүүнү үй камагына чыгаруу боюнча чечим кабыл алган.
