Улуттук статистика комитетинин 2026-жылдын I жарым жылдыгынын жыйынтыгы жана 2025-жылдын II жарым жылдыгынын көрсөткүчтөрү менен салыштырмалуу талдоосу көрсөткөндөй, кыргызстандыктардын мамлекеттик органдарга болгон ишеними азайган.
Мамлекеттик органдарга жалпы ишеним индекси
Рейтингдин лидерлери жана артта калгандары
Өзгөчө кырдаалдар министрлиги (ӨКМ) эң ишенимдүү ведомство макамын сактап калды. Анын 2026-жылдагы көрсөткүчү 56,6 баллды түзсө, өткөн жылы 57,5 балл болгон.
Экинчи жана үчүнчү орундарды Коргоо министрлиги (2025-жылы 54,3 баллдан 2026-жылы 55,6 баллга көбөйгөн) жана Дене тарбия жана спорт мамлекеттик агенттиги (52,2 балл) ээлешти.
Ишеним индексинин артта калгандарынын катарында Саламаттык сактоо министрлиги (2026-жылы 34,3 балл, 2025-жылы 33,5 балл), Курулуш, архитектура жана турак жай-коммуналдык чарба министрлиги (35,7 балл, 2025-жылы 37,7 балл) жана Мамлекеттик бажы кызматы (36 балл, 2025-жылы 37,3 балл) бар.
Региондор боюнча айырмачылыктар
Мамлекеттик структураларды колдоо деңгээли Ысык-Көл облусунда жогору болду, анда индекс 70,8 баллдан 73,2 баллга чейин өскөн.
Ошондой эле, эң лоялдуу аймактардын катарына Нарын облусу (2025-жылы 65,1 баллдан 68,4 баллга жеткен) жана Баткен облусу (2025-жылы 68,9 баллдан 62,5 баллды түзгөн) кирди.
Бишкек шаары салттуу түрдө эң жогорку деңгээлдеги скептицизмди көрсөтүүдө. Бирок Бишкек шаарынын тургундары мэриянын ишин министрликтердин ишине караганда жогору баалашат.














