Кыргызстанда 7 айда керектөө товарларынын баасы 6,7% кымбаттады

Кыргызстанда 2026-жылдын январь-июлунда керектөө товарлардын жана коомдук кызматтардын баасы 6,7%га өскөндүгү маалым болду. Бул көрсөткүч Улуттук статистикалык комитет тарабынан жарыяланды.

Анын ичинде азык-түлүк жана алкогольсиз суусундуктар 5,9%га, алкоголь жана тамеки буюмдары 7,1%га, азык-түлүк эмес товарлар 5,1%га, ал эми калкка көрсөтүлгөн кызматтардын тарифтери 10,1%га кымбаттаган.

Бардык региондордо баалардын өсүшү байкалган болсо, эң жогорку көрсөткүч Ош облусунда — 14,9% түздү. Ошто азык-түлүк жана алкогольсиз суусундуктар 11,9%га, алкоголь жана тамеки азыктары 21,4%га, азык-түлүк эмес товарлар 10,6%га, кызматтардын тарифтери 23,8%га өскөн.