Кыргызстандын Министрлер кабинети иштетилген кагаз жана картонду, анын ичинде макулатура менен калдыктарды сыртка ташууга убактылуу чектөө киргизди. Бул чечимге өкмөт башчысы Адылбек Касымалиев кол койду.
Токтом ЕАЭБ ТЭИ ТН 4707 коддук классификациясына кирген регенерациялануучу кагаз жана картонго тиешелүү болуп, аларды өлкөдөн алты айлык мөөнөткө чейин чыгарууга тыюу салат.
Чектөө транзиттик ташууларга жана министрлер кабинетинин уруксаты менен берилген гуманитардык жардамга тиешелүү эмес.
Кабыл алынган токтомду аткаруу үчүн тиешелүү мамлекеттик органдарга милдеттер жүктөлгөн жана документ расмий жарыялангандан кийин он күн өтүп күчүнө кирет.
