Кыргызстан менен Кытайдын мамилелери акыркы жылдары жаңы баскычка чыгып, саясий диалогду гана эмес, соода, инвестициялар, транспорт, энергетика, айыл чарба, технологиялар жана билим берүү тармактарындагы конкреттүү долбоорлорду ишке ашырууну да камтыган өнүгүүнү көрүүдөбүз.
Бул кызматташтык товардык алмашуудан ашып, транспорт-логистикалык мүмкүнчүлүктөрдү кеңейтүүгө, өндүрүштү өнүктүрүүгө, экспортту көбөйтүүгө, энергетикалык потенциалды арттырууга, санарип технологияларды киргизүүгө жана кадрларды даярдоого багытталган.
Соода көлөмү жана негизги көрсөткүчтөр
2026-жылдын январь-май айларында Кыргызстан менен Кытайдын тышкы соода жүгүртүүсүнүн жалпы көлөмү 2 млрд 9,6 млн АКШ долларын түздү. Кытай Кыргызстандын тышкы соодасында 32,1% үлүшү менен эң ири өнөктөш бойдон калууда.
Соода көлөмү 2026-жыл, январь-май
Инвестициялар жана жаңы долбоорлор
Кыргызстанга Кытайдан түз инвестициялар 2026-жылдын биринчи чейрегинде 80,15 млн АКШ долларын түздү. Бул көрсөткүч өткөн жылдын ушул мезгилине салыштырмалуу 20,9% өскөн жана жалпы инвестициялардын беш бөлүгүнө жакынын түзөт.
Кытай Кыргызстанга СНД өлкөлөрүнөн тышкары эң ири инвестор болуп, тоо-кен өндүрүшү жана өнөр жай тармактарын өнүктүрүүгө чоң салымын кошуп турат.












