Каракол шаарында 16-июлдан тарта бензиндин баасы 2 сомго көтөрүлдү. Бул тууралуу жергиликтүү Turmush басылмасы кабарлап, айдоочулар арасында баалардын өзгөрүшү талкууланып жатканын жазды.
Бир айдоочу Мирбек баалардын өзгөрүшү боюнча өз пикирин айтып, жакында АИ-95 бензини айрым заправкаларда жок болгонун, азыр болсо кайра сатылып баштагандыгын, бирок кымбатыраак болгондуктан көбүнчөсү АИ-92 менен толтуруп жатканын белгиледи.
Караколдогу күйүүчү майдын 16-июлдагы баалары
- АИ-95 – 98,50 сом/литр
- АИ-92 – 83,80–83,90 сом/литр
- АИ-92 (евро) – 85,30 сом/литр
- АИ-80 – 65,90 сом/литр (баары жерде сатылбайт)
- Дизель түлүгү (ДТ) – 94,90–97,30 сом/литр
Аталган баалар бир нече автозаправкалоочу станциялардан алынган жана кызматкерлер алардын акыркы өзгөрүүсүн тастыкташты.
