Кара-Балтанын борбордук бөлүгүндө – Кожомбердиев менен Жайыл Баатыра көчөлөрүнүн кесилишинде жайгашкан Төмөнгөй базардын аймагында автобекеттин болбошу учурда чоң көйгөй жаратууда. Бул жерден күнүнө миңдеген жөө жүргүнчүлөр өтүп, жүздөгөн автобустар, маршруттук таксилер жана жеңил унаалар өтөт.
Ушул эле жерге токтотууга тыюу салуучу жол белгиси бир нече жылдан бери орнотулуп келген. Бул чектөө жол кыймылынын көлөмү чоңдугуна жана айланадагы коопсуздук чаралары үчүн керек болгон. Бирок жакын аралыкта расмий автобекет жок болгондуктан, айдоочулар жүргүнчүлөрдү түшүрүү жана жүктөө үчүн ошол тыюу салынган аймакта токтоп келишет.
Мындай абал шаар тургундарын нааразылыкка жеткирүүдө, анткени токтогон унаалар кыймылды тосуп, тығынду жаратып, жол кырсыктардын пайда болушу тобокелдигин жогорулатууда.
12-июлда ОБДД кызматкерлери жол кыймылынын эрежелери менен катуу көзөмөл жүргүзүштү. Инспекторлор белгилүү аймакта токтотуу тыюусун сактоону көзөмөлдөп, айдоочуларга эскертүүлөрдү берүү менен бирге административдик протоколдорду түзүштү.
«Абсолют Авто» ЖЧКсынын директору Нургүл Мамбетова билдиргендей, рейд учурунда маршруттук автобустарды айдоочуларга жол эрежесин бузганы үчүн эскертүүлөр берилген жана протоколдор түзүлгөн.
Рейддерден кийин айдоочулар менен жүргүнчүлөр альтернативдүү жаңы токтотуу чекитин тандашты, бирок ал жайгашкан жер пешеходдор үчүн ыңгайсыз болуп калды.
